Тропа́рь, глас 1:
Терпе́ния столп был еси́,/ ревнова́вый пра́отцем, преподо́бне,/ Ио́ву во страсте́х, Ио́сифу во искуше́ниих,/ и Безпло́тных жи́тельству сый в телеси́,/ Али́пие о́тче наш,/ моли́ Христа́ Бо́га спасти́ся душа́м на́шим.
среда
26 ноября по старому стилю
Седмица 28-я по Пятидесятнице·Рождественский пост
Высота засечки — разряд службы по Типикону; красная кромка снизу — день строгого поста.
Прп. Алипия столпника (640). Освящение церкви вмч. Георгия в Киеве (1051–1054). Свт. Иннокентия, еп. Иркутского (1731).
Прп. Иакова отшельника (457). Прп. Стилиа́на Пафлаго́нского (V–VI).
Сщмчч. Николая Замараева, Иоанна Виноградова, Георгия Колоколова, Назария Грибкова, Василия Агафонникова, Василия Колосова, Илии Зачатейского, Василия Студницына, Даниила Мещанинова, Михаила Зеленцовского пресвитеров, прмч. Тихона Бузова (1937); мч. Петра Царапкина (после 1937).
С этого дня до 20 декабря в седмичные дни поется Октоих.
Ча́до Тимофе́е, потщи́ся ско́ро приити́ ко мне. Дима́с бо мене́ оста́ви, возлюби́в ны́нешний век, и и́де в Солу́нь, Кри́скент в Галати́ю, Тит в Далма́тию, Лука́ еди́н есть со мно́ю. Ма́рка пое́м приведи́ с собо́ю, есть бо ми благопотре́бен в слу́жбу. Тихи́ка же посла́х во Ефе́с. Фело́н, его́же оста́вих в Троа́де у Ка́рпа, гряды́й принеси́, и кни́ги, па́че же ко́жаныя. Алекса́ндр кова́чь мно́га ми зла сотвори́, да возда́ст ему́ Госпо́дь по дело́м его́, от него́же и ты себе́ блюди́, зело́ бо проти́вится словесе́м на́шым. В пе́рвый мой отве́т никто́же бысть со мно́ю, но вси мя оста́виша, да не вмени́тся им. Госпо́дь же мне предста́ и укрепи́ мя, да мно́ю пропове́дание изве́стно бу́дет, и услы́шат вси язы́цы, и изба́влен бых от уст львов. И изба́вит мя Госпо́дь от вся́каго дела́ лука́ва и спасе́т во Ца́рствие Свое́ Небе́сное, Ему́же сла́ва во ве́ки веко́в. Ами́нь. Целу́й Приски́ллу и Аки́лу и Ониси́форов дом. Ера́ст оста́ в Кори́нфе, Трофи́ма же оста́вих в Мили́те боля́ща. Потщи́ся пре́жде зимы́ приити́. Целу́ют тя Евву́л и Пуд, и Лин, и Клавди́а, и бра́тия вся. Госпо́дь Иису́с Христо́с со ду́хом твои́м. Благода́ть с ва́ми. Ами́нь.
В среду 28-я недели.
9Постарайся прийти ко мне скоро. 10Ибо Димас оставил меня, возлюбив нынешний век, и пошел в Фессалонику, Крискент в Галатию, Тит в Далматию; один Лука со мною. 11Марка возьми и приведи с собою, ибо он мне нужен для служения. 12Тихика я послал в Ефес. 13Когда пойдешь, принеси фелонь, который я оставил в Троаде у Карпа, и книги, особенно кожаные. 14Александр медник много сделал мне зла. Да воздаст ему Господь по делам его! 15Берегись его и ты, ибо он сильно противился нашим словам. 16При первом моем ответе никого не было со мною, но все меня оставили. Да не вменится им! 17Господь же предстал мне и укрепил меня, дабы через меня утвердилось благовестие и услышали все язычники; и я избавился из львиных челюстей. 18И избавит меня Господь от всякого злого дела и сохранит для Своего Небесного Царства, Ему слава во веки веков. Аминь. 19Приветствуй Прискиллу и Акилу и дом Онисифоров. 20Ераст остался в Коринфе; Трофима же я оставил больного в Милите. 21Постарайся прийти до зимы. Приветствуют тебя Еввул, и Пуд, и Лин, и Клавдия, и все братия. 22Господь Иисус Христос со духом твоим. Благодать с вами. Аминь.
Церковнославянский текст — Апостол и Евангелие богослужебные; русский — Синодальный перевод.
Во вре́мя о́но, приноша́ху ко Иису́су младе́нцы, да их ко́снется, ви́девше же ученицы́ запрети́ша им. Иису́с же призва́в их, глаго́ла: оста́вите дете́й приходи́ти ко Мне и не брани́те им, таковы́х бо есть Ца́рствие Бо́жие. Ами́нь бо глаго́лю вам: и́же а́ще не прии́мет Ца́рствия Бо́жия я́ко отроча́, не и́мать вни́ти в не. Ре́ша же слы́шавшии: то кто мо́жет спасе́н бы́ти? Он же рече́: невозмо́жная от челове́к возмо́жна суть от Бо́га. Рече́ же Петр: се мы оста́вихом вся и по Тебе́ идо́хом. Он же рече́ им: ами́нь глаго́лю вам, я́ко никто́же есть, и́же оста́вит дом, или́ роди́тели, или́ бра́тию, или́ сестры́, или́ жену́, или́ ча́да, Ца́рствия ра́ди Бо́жия, и́же не прии́мет мно́жицею во вре́мя сие́, и в век гряду́щий живо́т ве́чный.
Среда 27-я недели.
26Слышавшие сие сказали: кто же может спастись? 27Но Он сказал: невозможное человекам возможно Богу. 28Петр же сказал: вот, мы оставили все и последовали за Тобою. 29Он сказал им: истинно говорю вам: нет никого, кто оставил бы дом, или родителей, или братьев, или сестер, или жену, или детей для Царствия Божия, 30и не получил бы гораздо более в сие время, и в век будущий жизни вечной. 15Приносили к Нему и младенцев, чтобы Он прикоснулся к ним; ученики же, видя то, возбраняли им. 16Но Иисус, подозвав их, сказал: пустите детей приходить ко Мне и не возбраняйте им, ибо таковых есть Царствие Божие. 17Истинно говорю вам: кто не примет Царствия Божия, как дитя, тот не войдет в него.
Церковнославянский текст — Апостол и Евангелие богослужебные; русский — Синодальный перевод.
Терпе́ния столп был еси́,/ ревнова́вый пра́отцем, преподо́бне,/ Ио́ву во страсте́х, Ио́сифу во искуше́ниих,/ и Безпло́тных жи́тельству сый в телеси́,/ Али́пие о́тче наш,/ моли́ Христа́ Бо́га спасти́ся душа́м на́шим.
Али́пиеву житию́ Боже́ственному и равноа́нгельному, прииди́те, почуди́мся,/ архиере́и, свяще́нницы, и мона́шествующии,/ и вси лю́дие Богому́дрии,/ и подража́им дея́ния его́,/ да и того́ ча́сти сподо́бимся мольба́ми его́, празднолю́бцы,/ и́бо той небе́сную песнь пое́т безпеча́льно Бо́гу,/ я́ко тезоимени́тый.
Свети́льниче Це́ркве пресве́тлый,/ озари́вый луча́ми добро́т твои́х страну́ сию́/ и исцеле́ньми мно́гими притека́ющих к тебе́ с ве́рою Бо́га просла́вивый,/ мо́лим тя, святи́телю о́тче Инноке́нтие,/ огражда́й моли́твами твои́ми град сей от всех бед и печа́ли.
Непоро́чности соиме́ннаго па́стыря,/ пропове́дника ве́ры в язы́цех Монго́льских,/ сла́ву и украше́ние Ирку́тския па́ствы,/ любо́вию восхва́лим, вси ве́рнии:/ той бо есть храни́тель страны́ Сиби́рския и моли́твенник о душа́х на́ших.
А́нгельским житие́м возвы́сился еси́, о́тче,/ до лицезре́ния красоты́ не созда́нной,/ е́юже наслажда́яся ны́не на Небеси́, мо́лишися о спасе́нии на́шем,/ нас же на земли́ науча́еши взыва́ти тебе́ такова́я:/ ра́дуйся, кри́не, в благорастворе́нном ю́ге процве́тший;/ ра́дуйся, пе́рвенче духо́внаго сыноположе́ния, от Ма́лыя Росси́и Бо́гу посвяще́нный;/ ра́дуйся, сла́во и велича́ние гра́да Ки́ева;/ ра́дуйся, в земно́м учи́лищи Небе́сныя му́дрости наста́вниче; ра́дуйся, му́дрый исполни́телю веле́ний земны́х;/ ра́дуйся, му́жественный подви́жниче Царя́ Небе́снаго;/ ра́дуйся, пропове́дниче ве́ры в язы́цех Монго́льских;/ ра́дуйся, началоположи́телю до́браго священнонача́лия во страна́х Сиби́рских;/ ра́дуйся, украше́ние Ирку́тския па́ствы;/ ра́дуйся, благоуха́ние пусты́ни;/ ра́дуйся, о́бщаго воскресе́ния в нетле́нии твое́м увери́телю;/ ра́дуйся, неизчерпа́емых чуде́с исто́чниче;/ ра́дуйся, храни́телю страны́, тобо́ю избра́нныя;/ ра́дуйся, Инноке́нтие, моли́твенниче о душа́х на́ших.
Днесь блажа́т тя ми́ра концы́,/ Боже́ственных чуде́с испо́лншеся,/ и земля́ ра́дуется, напи́вшися кро́ве твоея́./ Христоимени́тии же лю́дие гра́да Ки́ева/ освяще́нием Боже́ственнаго хра́ма твоего́ ра́достию возвесели́шася,/ страстоте́рпче Гео́ргие,/ сосу́де избра́нный Свята́го Ду́ха, уго́дниче Христо́в./ Его́же моли́/ с ве́рою и мольбо́ю приходя́щим во святы́й твой храм/ да́ти очище́ние грехо́в,/ умири́ти мир и спасти́ ду́ши на́ша.
Я́ко свети́льника незаходи́маго звезда́ показа́ся непреле́стна,/ Со́лнца Христа́ возвеща́я заря́ми твои́ми, страстоте́рпче Гео́ргие,/ созыва́еши от первопресто́льнаго ма́тере градо́в,/ Бо́гом спасе́наго Ки́ева,/ во освяще́нный храм Христолюби́вая мно́жества/ облагоде́тельствовати обы́чне,/ хотя́щия восхвали́ти пе́сньми/ во гла́се ра́дования и исповеда́ния,/ соста́вити пра́здник свяще́ннаго хра́ма:/ его́же благоволи́ Бог созда́ти во и́мя твое́,/ Еди́н во святы́х почива́яй.
Я́ко всехва́льнии ученицы́/ вели́каго покрови́теля и засту́пника земли́ Ру́сской,/ Богоно́снии отцы́ на́ши Афана́сие и Феодо́сие,/ от ю́ности ва́шея крест Христо́в на ра́мена взе́мшии,/ усе́рдно Тому́ после́довали есте́/ и до́бре потруди́лися в Се́ргиевой оби́тели./ Отону́дуже Бо́жиим изволе́нием прибы́вша,/ благоче́стно во гра́де на́шем Череповце́ подвиза́лися есте́/ и оби́тель Воскресе́ния Христо́ва устро́иша,/ моли́твою и трудо́м Бо́гу угоди́вше,/ от Него́ вене́ц сла́вы Небе́сной прия́ли есте́,/ и ны́не святы́ми свои́ми телесы́/ в собо́рнем хра́ме под спу́дом почива́юще,/ ду́хом же вку́пе с преподо́бным Се́ргием/ у Престо́ла Всевы́шняго предстоя́,/ о нас моли́теся приле́жно/ изба́витися нам от всех бе́д и скорбе́й/ и спасти́ся душа́м на́шим.