Тропа́рь, глас 2:
Проро́ка Твоего́ Авваку́ма па́мять, Го́споди, пра́зднующе,/ тем Тя мо́лим:/ спаси́ души на́ша.
вторник
2 декабря по старому стилю
Седмица 29-я по Пятидесятнице·Рождественский пост
Высота засечки — разряд службы по Типикону; красная кромка снизу — день строгого поста.
Прор. Авваку́ма (VII в. до Р. Х.).
Прп. Афанасия, затворника Печерского, в Ближних пещерах (ок. 1176), и другого Афанасия, затворника Печерского, в Дальних пещерах (XIII). Мц. Миропии (ок. 251). Прпп. Иоанна, Иракле́мона, Андрея и Фео́фила (IV). Прп. И́се (Иессе́я), еп. Цилка́нского (VI) (Груз.). Св. Стефана У́роша, царя Сербского (1367).
Сщмч. Матфея Александрова пресвитера (1921); сщмч. Димитрия Благовещенского пресвитера и прп. Веры Графовой исп. (1932); сщмч. Алексия, архиеп. Великоустюжского, сщмчч. Константина Некрасова, Николая Заболотского, Сергия Кудрявцева, Владимира Проферансова, Иоанна Державина, Феодора Алексинского, Николая Виноградского, Иоанна Днепровского, Николая Сафонова, Павла Понятского, Сергия Фелицына пресвитеров, прмчч. Данакта Калашникова, Космы Магды, прмцц. Маргариты Закачуриной, Тамары Проворкиной, Антонины Степановой и Нимфодоры Журавлевой, мц. Матроны Конюховой (1937); прмц. Мариони́ллы Цейтлин (1938); мч. Бориса Успенского (1942).
Иконы Божией Матери, именуемой «Герондисса».
Бра́тие, убои́мся у́бо, да не когда́ оста́влену обетова́нию Бо́жию вни́ти в поко́й Его́, яви́тся кто от вас лиши́вся. И́бо есмы́ благовествова́ни, я́коже и они́, но не по́льзова о́нех сло́во слу́ха, нерастворе́нное ве́рою слы́шавших. Вхо́дим бо в поко́й ве́ровавшии, я́коже рече́: я́ко кля́хся во гне́ве Мое́м, а́ще вни́дут в поко́й Мой, а́ще и дело́м от сложе́ния ми́ра бы́вшым. Рече́ бо не́где о седмо́м си́це: и почи́ Бог в день седмы́й от всех дел Свои́х. И о сем па́ки: а́ще вни́дут в поко́й Мой. Поне́же у́бо лише́ни не́цыи вни́ти в него́, и и́же пре́жде благовествова́ни бы́ша, не внидо́ша за непослуша́ние, па́ки не́кий уставля́ет день, днесь, в Дави́де глаго́ля, по толи́цех ле́тех, я́коже пре́жде глаго́лася: днесь, а́ще глас Его́ услы́шите, не ожесточи́те серде́ц ва́ших. А́ще бо бы о́нех Иису́с упоко́ил, не бы о ино́м дни глаго́лал по сих. У́бо оста́влено есть и еще́ суббо́тство лю́дем Бо́жиим. Вше́дый бо в поко́й Его́, и той почи́ от дел свои́х, я́коже от Свои́х Бог. Потщи́мся у́бо вни́ти во о́ный поко́й, да не кто в ту́же при́тчу противле́ния впаде́т. Жи́во бо сло́во Бо́жие и де́йственно, и остре́йше па́че вся́каго меча́ обою́ду остра́, и проходя́щее да́же до разделе́ния души́ же и ду́ха, члено́в же и мозго́в, и суди́тельно помышле́нием и мы́слем серде́чным. И несть тварь неявле́на пред Ним, вся же нага́ и объявле́нна пред очи́ма Его́, к Нему́же нам сло́во.
Во вторник 29-я недели.
1Посему будем опасаться, чтобы, когда еще остается обетование войти в покой Его, не оказался кто из вас опоздавшим. 2Ибо и нам оно возвещено, как и тем; но не принесло им пользы слово слышанное, не растворенное верою слышавших. 3А входим в покой мы уверовавшие, так как Он сказал: "Я поклялся в гневе Моем, что они не войдут в покой Мой", хотя дела Его были совершены еще в начале мира. 4Ибо негде сказано о седьмом дне так: и почил Бог в день седьмый от всех дел Своих. 5И еще здесь: "не войдут в покой Мой". 6Итак, как некоторым остается войти в него, а те, которым прежде возвещено, не вошли в него за непокорность, 7то еще определяет некоторый день, "ныне", говоря через Давида, после столь долгого времени, как выше сказано: "ныне, когда услышите глас Его, не ожесточите сердец ваших". 8Ибо если бы Иисус Навин доставил им покой, то не было бы сказано после того о другом дне. 9Посему для народа Божия еще остается субботство. 10Ибо, кто вошел в покой Его, тот и сам успокоился от дел своих, как и Бог от Своих. 11Итак постараемся войти в покой оный, чтобы кто по тому же примеру не впал в непокорность. 12Ибо слово Божие живо и действенно и острее всякого меча обоюдоострого: оно проникает до разделения души и духа, составов и мозгов, и судит помышления и намерения сердечные. 13И нет твари, сокровенной от Него, но все обнажено и открыто перед очами Его: Ему дадим отчет.
Церковнославянский текст — Апостол и Евангелие богослужебные; русский — Синодальный перевод.
Во вре́мя о́но, вшед Иису́с в це́рковь, нача́т изгони́ти продаю́щия в ней и купу́ющия, глаго́ля им: пи́сано есть: дом Мой дом моли́твы есть, вы же сотвори́сте его́ пеще́ру разбо́йником. И бе уча́ по вся дни в це́ркви. Архиере́е же и кни́жницы иска́ху Его́ погуби́ти, и старе́йшины лю́дем. И не обрета́ху, что сотворя́т Ему́, лю́дие бо вси держа́хуся Его́, послу́шающе Его́.
Вторник 28-я недели.
47И учил каждый день в храме. Первосвященники же и книжники и старейшины народа искали погубить Его, 48и не находили, что бы сделать с Ним; потому что весь народ неотступно слушал Его. 45И, войдя в храм, начал выгонять продающих в нем и покупающих, 46говоря им: написано: дом Мой есть дом молитвы, а вы сделали его вертепом разбойников.
Церковнославянский текст — Апостол и Евангелие богослужебные; русский — Синодальный перевод.
Проро́ка Твоего́ Авваку́ма па́мять, Го́споди, пра́зднующе,/ тем Тя мо́лим:/ спаси́ души на́ша.
Блаже́нство пла́чущих получи́ти жела́я,/ день и нощь непреста́нно пла́кал еси́,/ име́я во уме́ час Су́дный,/ тем по кончи́не твое́й обре́л еси́ утеше́ние на Небеси́,/ преподо́бне Афана́сие./ Пода́ждь и нам пла́катися зде грехо́в на́ших вы́ну,/ я́ко да пла́ча безконе́чнаго избы́вше,/ та́мо прии́мем ве́чное утеше́ние.
Яко безсме́ртия тезоимени́т, по уме́ртвии свое́м воста́л еси́ жив;/ показу́я же, я́ко зело́ лю́та есть смерть, пла́кался еси́ го́рько./ Ны́не, обре́тши неконча́емую ра́дость,/ моли́ся о нас, я́ко да пла́ча ве́чнаго избу́дем.
Юношески процве́л еси́/ во оте́чествии твое́м, добро́тою украше́н,/ и непра́ведную и безвре́менную смерть подъя́л еси́,/ У́роше всече́стне;/ ца́рскаго ко́рене плод сла́док,/ а́ще и не во вре́мя созре́в,/ в Госпо́дню жи́тницу всели́лся еси́/ и жа́лость ве́лию сро́дству твоему́ оста́вил еси́./ Моли́ся о нас, творя́щих святу́ю па́мять твою́.
Кто достои́н устне́ отве́рзти или́ язы́к дви́гнути/ и похвали́ти хвали́маго Бо́гом,/ оба́че в толи́ко вре́мя в тиме́нии земно́м пребы́в,/ от Христа́ Спа́са вене́ц прия́л есть/ и, дарова́ньми исцеле́ний обогати́вся, исцеле́ния дар прия́т,/ и че́стен страда́лец показа́ся, принося́ моле́ние Благоде́телю,/ и прие́м сла́ву с Небесе́ и вене́ц добро́ты,/ и мо́лится о творя́щих любо́вию па́мять его́.
Поще́нием, моли́твами и благода́тию Боже́ственною просвети́вся,/ земны́я концы́ све́тло озаря́еши благоче́стно,/ чуде́с благода́ть от Бо́га прие́м,/ исцеля́еши неду́ги, ду́хи же лука́выя от челове́ков отгоня́еши,/ и́же с ве́рою притека́ют к ра́це моще́й твои́х святы́х,/ преподо́бне о́тче наш Иоанни́кие./ Сла́ва Да́вшему ти благода́ть,/ сла́ва Укрепи́вшему тя,/ сла́ва Де́йствующему тобо́ю всем исцеле́ния.
Христо́в услы́шав глас, преподо́бне,/ ше́ствовал еси́ вслед за́поведей Его́, наг жи́тель быв,/ зане́ отрече́ся попече́ния о стяжа́нии,/ па́че же отве́ржеся при́сных и сро́дных свои́х,/ еди́н в пусты́ни бесе́дуя с Бо́гом,/ с Ни́мже соединя́яся бде́нием, посто́м и моли́твами, ра́зума дарова́ние восприя́л еси́./ Той же дар и нам ниспосли́, пою́щим ти си́це:/ ра́дуйся, о́тче Иоанни́кие.
Доброму́ченице Миропи́е и Христа́ неве́сто нетле́нная,/ ны́не Ему́же предстои́ши, прекра́сная,/ ра́ны нося́щи пло́ти,/ я́ко ка́мни све́тлы и светообра́зны,/ и в крова́вую порфи́ру, я́ко цари́ца, облече́нная, пресла́вная,/ умоли́ Его́ за ны,/ я́же с любо́вию восхваля́ющия/ хвалы́ побе́дными и пе́сньми твою́ Боже́ственную страсть.
Я́ко неве́ста Христу́ жития́ ра́ди чисте́йшая/ и стра́сти ра́ди светле́йшая, прекрасноде́во Миропи́е достосла́вная,/ чуде́с благода́ть источа́еши, я́ко ми́ро,/ и пасе́ши всех, с ве́рою и любо́вию к пречестне́й ра́це твоей приходя́щих,/ пребыва́ет бо в ней Свята́го Ду́ха благода́ть,/ я́ко держи́т свяще́нный прах твой.
По и́мени своему́ за труды́ ве́лия/ и всегда́шнее зде умерщвле́ние пло́ти в затво́ре/ безсме́ртную ны́не на Небеси́/ жизнь насле́довавый,/ мо́лим тя приле́жно:/ моли́ся о нас,/ я́ко да и мы тоя́жде сподо́бимся получи́ти.
Ве́дый ми́ра сего́ суету́ бы́ти тще́тну,/ отврати́лся еси́ ея,/ не ктому́ сами́ма очи́ма,/ но и всего́ себе́ всеконе́чне, преподо́бне, отврати́в,/ затвори́лся еси́ в те́мней пеще́ре,/ в не́йже в моли́твах и слеза́х многовре́менне потру́ждся/ и обре́т на Небеси́ безконе́чную ра́дость,/ моли́ся непреста́нно за ду́ши на́ша.
Но́ваго священному́ченика Влади́мира,/ лю́дие, ны́не почти́м,/ той бо кро́вию свое́ю зе́млю моско́вскую обагри́/ и, я́ко же́ртва жива́я, Христу́ принесе́ся./ Те́мже благодать предста́тельства стяжа́в/ и в со́нме новому́чеников Росси́йских водвори́вся,// мо́лится при́сно о спасении душ наших.
Первосвяти́телю Всеросси́йскому Ти́хону споспе́шник был еси́,/ с ни́мже и ча́шу гоне́ний испи́в,/ Христу́ да́же до сме́рти ве́рен яви́лся еси́./ Сего́ ра́ди Ему́ я́ко Вели́кому Царю́ ны́не предстои́ши,/ о́тче наш Влади́мире,/ и мо́лиши непреста́нно// о чту́щих любо́вию святу́ю па́мять твою́.