Сщмч. Владимира Алексеева пресвитера (1918); сщмчч. Аркадия, еп. Бежецкого, Илии Чередеева, Павла Фаворитова, Владимира Дамаскина, Александра Колоколова, Петра Зиновьева пресвитеров, прмчч. Макария Смирнова, Феодосия Болдырева (1937).
* Дата празднования Собора Кольских святых перенесена с 15/28 на 16/29 декабря по благословению Святейшего Патриарха Кирилла 10 ноября 2021 года.
Чтения дня
Апостол и Евангелие
На Литургии · АпостолЕвр, 333 зач., XII, 25–26; XIII, 22–25Текст
Бра́тие, блюди́те да не отрече́теся Глаго́лющаго. А́ще бо не избежа́ша они́ отре́кшиися проро́чествующаго на земли́, мно́жае па́че мы отрица́ющиися небе́снаго, Его́же глас зе́млю тогда́ поколеба́, ны́не же обетова́, глаго́ля: еще́ еди́ною Аз потрясу́ не то́кмо земле́ю, но и не́бом. Молю́ же вы, бра́тие, приими́те сло́во утеше́ния, и́бо вма́ле написа́в посла́х вам. Зна́йте бра́та на́шего отпуще́на Тимофе́а, с ни́мже, а́ще скоре́е прии́дет, узрю́ вас. Целу́йте вся наста́вники ва́ша и вся святы́я. Целу́ют вы и́же от Итали́и су́щии. Благода́ть со все́ми ва́ми. Ами́нь.
25Смотрите, не отвратитесь и вы от говорящего. Если те, не послушав глаголавшего на земле, не избегли наказания, то тем более неизбежим мы, если отвратимся от Глаголющего с небес, 26Которого глас тогда поколебал землю, и Который ныне дал такое обещание: еще раз поколеблю не только землю, но и небо. 22Прошу вас, братия, примите сие слово увещания; я же не много и написал вам. 23Знайте, что брат наш Тимофей освобожден, и я вместе с ним, если он скоро придет, увижу вас. 24Приветствуйте всех наставников ваших и всех святых. Приветствуют вас Италийские. 25Благодать со всеми вами. Аминь.
Церковнославянский текст — Апостол и Евангелие богослужебные; русский — Синодальный перевод.
На Литургии · ЕвангелиеМк, 34 зач., VIII, 22–26Текст
Во вре́мя о́но, прии́де Иису́с в Вифсаи́ду, и приведо́ша к Нему́ сле́па, и моля́ху Его́, да его́ ко́снется. И ем за ру́ку слепа́го, изведе́ его́ вон из ве́си, и плю́нув на о́чи его́, и возло́жь ру́це нань, вопроша́ше его́, а́ще что ви́дит? И воззре́в глаго́лаше: ви́жу челове́ки я́ко дре́вие ходя́ща. Пото́м же па́ки возложи́ ру́це на о́чи его́ и сотвори́ его́ прозре́ти, и изцеле́, и узре́ све́тло все. И посла́ его́ в дом его́, глаго́ля: ни в весь вни́ди, ни пове́ждь кому́ в ве́си.
Вторник 30-я недели.
22Приходит в Вифсаиду; и приводят к Нему слепого и просят, чтобы прикоснулся к нему. 23Он, взяв слепого за руку, вывел его вон из селения и, плюнув ему на глаза, возложил на него руки и спросил его: видит ли что? 24Он, взглянув, сказал: вижу проходящих людей, как деревья. 25Потом опять возложил руки на глаза ему и велел ему взглянуть. И он исцелел и стал видеть все ясно. 26И послал его домой, сказав: не заходи в селение и не рассказывай никому в селении.
Церковнославянский текст — Апостол и Евангелие богослужебные; русский — Синодальный перевод.
Тропари и кондаки
Минея
Тропа́рь, глас 4:
Вы́шняго красото́ю я́вственно украша́яся,/ по́стническими бо труды́ подвиза́ся преподо́бная Софи́я,/ и бысть насле́дница Небе́сному Ца́рствию,/ и вни́де в Небе́сный Черто́г наслади́тися Христо́вы красоты́,/ Его́ же моли́ спасти́ся гра́ду Су́ждалю/ от пога́ных нахожде́ний и междоусо́бныя бра́ни/ и пода́ждь душа́м на́шим ве́лию ми́лость.
Конда́к, глас 1:
Но́щи стра́стныя избе́гши, Богому́драя Софи́е преподо́бная,/ к Незаходи́мому же Со́лнцу, Христу́, прише́дши,/ умертви́ла еси́ плотско́е мудрова́ние посто́м же, воздержа́нием и моли́твами,/ показа́ся равна́ А́нгелом,/ на земли́ бо поживе́ и ду́хи нечи́стыя от челове́к отгна́ла еси́,/ и разли́чная исцеле́ния подава́еши, от мно́гих бед и зол избавля́еши,/ Софи́е преподо́бная,/ моли́ спасти́ся душа́м на́шим.
И́кос:
Измла́да Бо́гови вдала́ся еси́, Софи́е преподо́бная, я́ко зда́ние благо́е,/ и Госпо́дне благо́е и́го усе́рдно от ю́ности взе́мши,/ отлучи́ся своего́ самоде́ржца/ и невкуси́мо ло́жа жите́йскаго восхоте́ пребыва́ти во святе́й оби́тели Бо́жия Ма́тере./ Те́мже, я́ко безпло́тная, подвиза́лася,/ воздержа́нием же и моли́твами равна́ А́нгелам показа́лася,/ в не́йже отхо́диши в Небе́сная селе́ния,/ и по преставле́нии своем от пречи́стыя твоея́ ра́ки разли́чная исцеле́ния подава́еши,/ и от мно́гих бед и зол избавля́еши,/ Софи́е преподо́бная, моли́ спасти́ся душа́м на́шим.
Порядок службы
Богослужебные указания
На эту дату указаний в своде пока нет.
Указания на этот день в своде пока отсутствуют. Порядок службы смотрите по Типикону и Минее — ссылки ниже.