Тропа́рь пророку, глас 2:
Предве́дый Божие пришествие во пло́ти/ и наи́тие Ду́ха Свята́го и гряду́щий Суд предсказа́вый,/ пророче Ио́иле:/ спасай моли́твами твои́ми/ чтущия тя от всех скорбе́й.
понедельник
6 октября по старому стилю
Высота засечки — разряд службы по Типикону; красная кромка снизу — день строгого поста.
Седмица 21-я по Пятидесятнице. Прор. Иоиля (800 г. до Р. Х.). Мч. Уара и с ним семи учи́телей христианских (ок. 307). Перенесение мощей прп. Иоанна Рыльского.
Блж. Клеопатры (327) и сына ее Иоанна (320). Сщмч. Садо́ка, еп. Персидского, и с ним 128-ми мучеников (342). Собор святых Архангельской митрополии.
Сщмчч. Александра Никольского и Сергия Покровского пресвитеров (1937).
Бра́тие, возра́довахся о Го́споде вельми́, я́ко уже́ когда́ воспомяну́сте пещи́ся о мне, поне́же и печа́стеся, но непого́дным вре́менем обдержа́стеся. Не я́ко по ску́дости глаго́лю, аз бо навыко́х, в ни́хже есмь, дово́лен бы́ти. Вем и смири́тися, вем и избы́точествовати, во всем и во всех навыко́х, и насыща́тися и алка́ти, и избы́точествовати и лиша́тися. Вся могу́ о укрепля́ющем мя Иису́се Христе́. Оба́че до́бре сотвори́сте, сприобщи́вшеся печа́ли мое́й. Ве́сте же и вы, Филипписи́ане, я́ко в нача́ле благовествова́ния, егда́ изыдо́х от Македо́нии, ни еди́на ми це́рковь общева́ся в сло́во дая́ния и прия́тия, то́чию вы еди́ни. Я́ко и в Солу́нь и еди́ною и два́щи в тре́бование мое́ посла́сте ми. Не я́ко ищу́ дая́ния, но ищу́ плода́ мно́жащагося в сло́во ва́ше. Прия́х же вся и избы́точествую: испо́лнихся, прие́м от Епафроди́та по́сланная от вас, воню́ благоуха́ния, же́ртву прия́тну, благоуго́дну Бо́гу. Бог же мой да испо́лнит вся́кое тре́бование ва́ше по бога́тству Своему́ в сла́ве, о Христе́ Го́споде. Бо́гу же и Отцу́ на́шему сла́ва во ве́ки веко́в. Ами́нь. Целу́йте вся́каго свя́та о Христе́ Иису́се. Целу́ют вы су́щая со мно́ю бра́тия. Целу́ют вы святи́и вси, па́че же и́же от ке́сарева до́му. Благода́ть Го́спода на́шего Иису́са Христа́ со все́ми ва́ми. Ами́нь.
В понедельник 21-я недели.
22Приветствуют вас все святые, а наипаче из кесарева дома. 23Благодать Господа нашего Иисуса Христа со всеми вами. Аминь. 10Я весьма возрадовался в Господе, что вы уже вновь начали заботиться о мне; вы и прежде заботились, но вам не благоприятствовали обстоятельства. 11Говорю это не потому, что нуждаюсь, ибо я научился быть довольным тем, что у меня есть. 12Умею жить и в скудости, умею жить и в изобилии; научился всему и во всем, насыщаться и терпеть голод, быть и в обилии и в недостатке. 13Все могу в укрепляющем меня Иисусе Христе. 14Впрочем вы хорошо поступили, приняв участие в моей скорби. 15Вы знаете, Филиппийцы, что в начале благовествования, когда я вышел из Македонии, ни одна церковь не оказала мне участия подаянием и принятием, кроме вас одних; 16вы и в Фессалонику и раз и два присылали мне на нужду. 17Говорю это не потому, чтобы я искал даяния; но ищу плода, умножающегося в пользу вашу. 18Я получил все, и избыточествую; я доволен, получив от Епафродита посланное вами, как благовонное курение, жертву приятную, благоугодную Богу. 19Бог мой да восполнит всякую нужду вашу, по богатству Своему в славе, Христом Иисусом. 20Богу же и Отцу нашему слава во веки веков! Аминь. 21Приветствуйте всякого святого во Христе Иисусе. Приветствуют вас находящиеся со мною братия.
Церковнославянский текст — Апостол и Евангелие богослужебные; русский — Синодальный перевод.
Во вре́мя о́но, моля́ше Иису́са не́кий от фарисе́й, да бы ял с ним, и вшед в дом фарисе́ов, возлеже́. И се жена́ во гра́де, я́же бе гре́шница, и уве́девши, я́ко возлежи́т во хра́мине фарисе́ове, прине́сши алава́стр ми́ра, и ста́вши при ногу́ Его́ созади́, пла́чущися, нача́т умыва́ти но́зе Его́ слеза́ми, и власы́ главы́ своея́ отира́ше, и облобыза́ше но́зе Его́, и ма́заше ми́ром. Ви́дев же фарисе́й возва́вый Его́, рече́ в себе́, глаго́ля: Сей а́ще бы был проро́к, ве́дел бы, кто и какова́ жена́ прикаса́ется Ему́, я́ко гре́шница есть. И отвеща́в Иису́с рече́ к нему́: Си́моне, и́мам ти не́что рещи́. Он же рече́: Учи́телю, рцы. Иису́с же рече́: два должника́ бе́ста заимода́вцу не́коему, еди́н бе до́лжен пятию́сот дина́рий, други́й же пятию́десят. Не иму́щема же и́ма возда́ти, обе́ма отда́. Кото́рый у́бо ею́, рцы, па́че возлю́бит его́? Отвеща́в же Си́мон рече́: мню, я́ко ему́же вя́щше отда́. Он же рече́ ему́: пра́во суди́л еси́. И обра́щься к жене́, Си́монови рече́: ви́диши ли сию́ жену́? Внидо́х в дом твой, воды́ на но́зе Мои́ не даде́, сия́ же слеза́ми облия́ Ми но́зе и власы́ главы́ своея́ отре́. Лобза́ния Ми не даде́, сия́ же, отне́лиже внидо́х, не преста́ облобыза́ющи Ми но́зе. Ма́слом главы́ Моея́ не пома́за, сия́ же ми́ром пома́за Ми но́зе. Его́же ра́ди, глаго́лю ти, отпуща́ются греси́ ея́ мно́зи, я́ко возлюби́ мно́го, а ему́же ма́ло оставля́ется, ме́ньше лю́бит. Рече́ же ей: отпуща́ются тебе́ греси́. И нача́ша возлежа́щии с Ним глаго́лати в себе́: кто Сей есть, и́же и грехи́ отпуща́ет? Рече́ же к жене́: ве́ра твоя́ спасе́ тя, иди́ в ми́ре.
Понедельник 21-я недели. · Сие и мученицам.
46ты головы Мне маслом не помазал, а она миром помазала Мне ноги. 47А потому сказываю тебе: прощаются грехи её многие за то, что она возлюбила много, а кому мало прощается, тот мало любит. 48Ей же сказал: прощаются тебе грехи. 49И возлежавшие с Ним начали говорить про себя: кто это, что и грехи прощает? 50Он же сказал женщине: вера твоя спасла тебя, иди с миром. 36Некто из фарисеев просил Его вкусить с ним пищи; и Он, войдя в дом фарисея, возлег. 37И вот, женщина того города, которая была грешница, узнав, что Он возлежит в доме фарисея, принесла алавастровый сосуд с миром 38и, став позади у ног Его и плача, начала обливать ноги Его слезами и отирать волосами головы своей, и целовала ноги Его, и мазала миром. 39Видя это, фарисей, пригласивший Его, сказал сам в себе: если бы Он был пророк, то знал бы, кто и какая женщина прикасается к Нему, ибо она грешница. 40Обратившись к нему, Иисус сказал: Симон! Я имею нечто сказать тебе. Он говорит: скажи, Учитель. 41Иисус сказал: у одного заимодавца было два должника: один должен был пятьсот динариев, а другой пятьдесят, 42но как они не имели чем заплатить, он простил обоим. Скажи же, который из них более возлюбит его? 43Симон отвечал: думаю, тот, которому более простил. Он сказал ему: правильно ты рассудил. 44И, обратившись к женщине, сказал Симону: видишь ли ты эту женщину? Я пришел в дом твой, и ты воды Мне на ноги не дал, а она слезами облила Мне ноги и волосами головы своей отёрла; 45ты целования Мне не дал, а она, с тех пор как Я пришел, не перестает целовать у Меня ноги;
Церковнославянский текст — Апостол и Евангелие богослужебные; русский — Синодальный перевод.
Предве́дый Божие пришествие во пло́ти/ и наи́тие Ду́ха Свята́го и гряду́щий Суд предсказа́вый,/ пророче Ио́иле:/ спасай моли́твами твои́ми/ чтущия тя от всех скорбе́й.
Во́инством святы́х страстоте́рпец стра́ждущих законне,/ зря о́нех, показа́л еси́ му́жески кре́пость свою./И устреми́вся на страсть во́лею,/ и умре́ти вожделе́ за Христа,/ И́же приял еси́ по́честь побе́ды твоего́ страдания, Уаре,/ моли́ спасти́ся душам нашим.
Просвети́вшееся Духом чистое твое́ се́рдце/ проро́чества бысть светле́йшаго прия́телище:/ зриши бо, я́ко настоя́щая, дале́че су́щая,/ сего ради тя почитаем, проро́че, блаже́нне Ио́иле, славне.
Христу после́дуя, му́чениче Уа́ре,/ Того́ испи́в ча́шу,/ и муче́ния венце́м увязе́ся,/ и со А́нгелы ликовству́еши:/ моли́ непреста́нно за ду́ши на́ша.
Покая́ния основа́ние, прописа́ние умиле́ния,/ о́браз утеше́ния, духовнаго соверше́ния/ равноа́нгельное житие́ твое́ бысть, преподо́бне./ В моли́твах у́бо и в поще́ниих и в слеза́х пребыва́вый,/ о́тче Иоа́нне,/ моли́ Христа́ Бо́га о душа́х на́ших.
Гаврии́лу веща́вшу Тебе́, Де́во, ра́дуйся,/ со гла́сом воплоща́шеся всех Влады́ка/ в Тебе́, святе́м киво́те,/ я́коже рече́ пра́ведный Давид;/ яви́лася еси́ ши́ршая Небе́с,/ поноси́вши Зижди́теля Твоего́./ Сла́ва Всельшемуся в Тя,/ Сла́ва Прошедшему из Тебе́,/ Сла́ва Свобо́ди́вшему нас Рождество́м Твоим!
В словесе́х и де́лех на земли́ возсия́вшаго и Спа́сово уче́ние соверши́вша,/ земна́го А́нгела и Небе́снаго челове́ка, Иоа́нна сла́внаго,/ соше́дшеся, похва́лим, вси ве́рнии, си́це пою́ще и к нему́ глаго́люще:/ ра́дуйся, Среде́чское прозябе́ние;/ ра́дуйся, пусты́нное воспита́ние./ Ра́дуйся, от ю́ности Бо́га возлюби́вый;/ ра́дуйся, вся всего́ ми́ра ни во что́же вмени́вый!/ Ра́дуйся, и́же высо́кое житие́ по́стническими труды́ показа́вый;/ ра́дуйся, злокозненнаго зми́я копие́м терпе́ния твоего́ низложи́вый!/ Ра́дуйся, на гора́х, я́ко со́лнце, возсия́вый;/ ра́дуйся, го́ры и хо́лмы благоуха́ния испо́лнивый!/ Ра́дуйся, гра́ды и ве́си просвети́вый чудесы́;/ ра́дуйся, вся стра́ны озари́вый доброде́тельми!/ Ра́дуйся, ста́ду твоему́ тве́рдое огражде́ние;/ ра́дуйся, благочести́вым побе́дное венча́ние!/ Ра́дуйся, о́тче Иоа́нне, свети́ло пресве́тлое!
Я́ко благочести́ваго ко́рене Боголюби́вый произыде плод,/ я́ко а́гня незлобиво, неповинно во младенстве за́клан бысть/ от властолю́бца вку́пе и злаго раба./ Тем, я́ко златы́ми крылы,/ душевною чистотою и младенческим незлобием/ к Небесней высоте возлетел еси́, страстоте́рпче Димитрие./ И ны́не кровь твоя́ от земли тайно вопие́т к Бо́гу,/ я́ко Авеля праведнаго./ Сего ради покланя́емся верою ти,/ славяще прославльшаго тя Бога,/ Егóже моли́ стране нашей Богоуго́дне быти/ и сыново́м русским спасти́ся.
Велика обрете тебе́ целебника в последнем роде,/ люди твои́, рустии народи,/ новый страстотерпче Христов, благоверный царевичу княже Дими́трие,/ возсия бо на земли чудесы своими, я́ко звезда небосветлая,/ но, созрелый у́бо клас Христу, испив чашу,/ я́ко а́гнец непорочен, заклан бысть в жертву чисту,/ принесе себе Влады́це всех,/ от Негoже победным венцем увязе́ся,/ просия мирови, я́ко солнце,/ прелести вся угасил еси́/ и Соборную обогащаеши Церковь чудотворении,/ стране нашей на враги́ поборник,/ одержимым же различными неду́ги врач,/ всех нас освящаеши богатными даровании, всехвальне,/ и моли́твами, святе, твои́ми всем даеши Боже́ственное исцеле́ние.
Возсия́ днесь благоцвету́щая отрасль благочести́ваго ко́рене,/ от благоверных Российския страны доброра́сленный грозд израсте́/ и Христо́ви красен плод прозябе́./ Темже от земли Воззва́вый тя к вечным обителем,/ соблюдает и по убиении твое́м невредимо тело твое́,/ страдальчески обагрено кровию;/ благородне святе Димитрие,/ соблюдай отечество свое́ и град твой невредим,/ тому бо еси́ утверждение.
Светило явися пресветлое днесь Боже́ственная па́мять твоя́,/ Богодарованная ти чудеса́ от вся́ких многоразличных недуг подают исцеления/ с верою призывающим тя,/ созывающи нас к похвалению прославльшаго тя Бога,/ Егóже моли, страстотерпче благоверный Димитрие,/ мир мирови дарова́ти/ и от видимых враг люди невредны сохранити, да зовем ти:/ ра́дуйся, ты бо еси́ утверждение граду нашему.
Славу земную, я́ко истле́ющую оставль, нетленную на Небесе́х наследовал еси́,/ чистый бо сосу́д Святому Духу от младых ногтей быв,/ и закла́н бысть, я́ко непорочное а́гня,/ отнюду же Мздовозда́тель Бог, ви́дев кротость твою́, незлобие, да́ром чудес обогати тя,/ тем ны́не пребываеши со А́нгельскими лики и с перворо́дными множествы в неизглаголанней радости, Богому́дре Дими́трие страстоте́рпче,/ моли́ непрестанно без вреда сохранити отечество твое́ и люди твоя́, да зовем ти:/ ра́дуйся, ты бо еси́ утверждение граду нашему.
Владычню речению усердно в подобстве последова,/ я́ко у́бо пастырь до́брый душу свою за Христовы овцы положил еси́,/ священномучениче Садофе, молим тя, многострадальне,/ моли́ пастырем начальника Христа/ и нас причести деснаго овец стояния,/ да воспоем ти:/ ра́дуйся, священный о́тче Садофе,/ и́же за Христа́ кровь свою излиявый.
Священномученик Садок