РеквизитыЦентрализованная религиозная организация «Объединение православных общин апостольской традиции»ЦРО «Объединение православных общин апостольской традиции»ОГРН 1047746005636 от 30.04.2004Регистрационное свидетельство
Апостольская Православная ЦерковьОбщины апостольской традиции
RU

Декрет «Об особенностях совершения Таинства крещения в условиях гонения на христиан и других чрезвычайных обстоятельствах» и Чин крещения, совершаемый удалённо при угрозе смерти

Оглашение и запретительные молитвы

Чинопоследование с пояснениями

Священник устанавливает видео-конференц связь с крещаемым. Крещаемый приготавливает сосуд с водой, если есть — нательный крестик, полотенце. Если есть — возжигает свечу и встаёт к православной иконе.

Священник облачается в богослужебную одежду: подрясник, епитрахиль, поручи. Подготавливает кадило, свечи.

Дьякон (при наличии) облачается в стихарь, орарь и поручи.

Священник: Господу помолимся

Священник: О имени твоем, Господи Боже истины, и единороднаго Твоего Сына и Святаго Твоего Духа, возлагаю руку мою на раба Твоего, [или на рабу твою] имярек, сподобльшагося прибегнути ко святому имени Твоему, и под кровом крил Твоих сохранитися. Отстави от него ветхую оную прелесть, и исполни его еже в Тя веры, и надежди, и любве: да разумеет, яко Ты еси един Бог истинный, и единородный Твой Сын, Господь наш Иисус Христос, и Святый Твой Дух. Даждь ему во всех заповедех Твоих ходити, и угодная Тебе сохранити: яко, аще сотворит сия человек, жив будет в них. Напиши его в книзе жизни Твоея, соедини его стаду наследия Твоего, да прославится имя Твое святое в нем и возлюбленнаго Твоего Сына, Господа же нашего Иисуса Христа и животворящаго Твоего Духа. Да будут очи Твои взирающе на него милостию выну, и уши твои, еже услышати глас моления его. Возвесели его в делех рук его и во всяком роде его, да исповестся Тебе покланяяся, и славяй имя Твое великое и вышнее, и восхвалит Тя выну вся дни живота своего.

Священник: Тя бо поют вся Силы Небесныя и Твоя есть слава Отца, и Сына, и Святаго Духа, ныне и присно, и во веки веков.

Крещаемый: Аминь

Священник: Господу помолимся

Крещаемый: Господи помилуй

Священник: Запрещает тебе, диаволе, Господь пришедый в мір и вселивыйся в человецех, да разрушит твое мучительство, и человеки измет, иже на древе сопротивныя силы победи, солнцу померкшу, и земли поколебавшейся, и гробом отверзающимся, и телесем святых востающим: иже разруши смертию смерть, и упраздни имущаго державу смерти, сиесть тебе, диавола. Запрещаю тебе Богом, показавшим древо живота, и уставившим Херувимы, и пламенное оружие обращающееся стрещи то, запрещен буди. Оным убо тебе запрещаю, ходившим яко по суху на плещу морскую, и запретившим бури ветров: Егоже зрение сушит бездны, и прещение растаявает горы: Той бо и ныне запрещает тебе нами. Убойся, изыди, и отступи от создания сего, и да не возвратишися, ниже утаишися в нем, ниже да срящеши его, или действуеши, ни в нощи, ни во дни, или в часе, или во полудни: но отыди во свой тартар, даже до уготованнаго великаго дне суднаго. Убойся Бога седящаго на Херувимех, и призирающаго бездны, Егоже трепещут Ангели, Архангели, Престоли, Господства, Начала, Власти, Силы, многоочитии Херувими, и шестокрилатии Серафими: Егоже трепещут небо и земля, море, и вся, яже в них. Изыди и отступи от запечатаннаго новоизбраннаго воина Христа Бога нашего: онем бо Тебе запрещаю, ходящим на крилу ветренню, творящим Ангелы Своя огнь палящ, изыди и отступи от создания сего со всею силою и ангелы твоими.

Священник: Яко прославися имя Отца, и Сына, и Святаго Духа, ныне и присно, и во веки веков.

Крещаемый: Аминь

Священник: Господу помолимся

Крещаемый: Господи помилуй

Священник: Бог святый, страшный и славный во всех делех и крепости Своей, непостижимый и неизследимый сый, Той предопределивый тебе, диаволе, вечныя муки томление, нами, недостойными Его рабы, повелевает тебе и всей споспешней твоей силе, отступити от новозапечатаннаго [или от новозапечатанныя] именем Господа нашего Иисуса Христа, истиннаго Бога нашего. Запрещаю тебе убо вселукавому, и нечистому, и скверному, и омерзенному, и чуждему духу, силою Иисуса Христа, всякую власть имущаго на небеси и на земли, рекшаго глухому и немому демону: изыди от человека, и да не ктому внидеши в него. Отступи, познай твою суетную силу, ниже на свиниях власть имущую: помяни повелевшаго тебе по твоему прошению во стадо свиное внити. Убойся Бога, Егоже повелением земля на водах утвердися, создавшаго небо, и поставльшаго горы ставилом, и удолия мерилом, и положшаго песок морю предел, и в воде зельней стезю твердую, прикасающагося горам, и дымятся, одевающагося светом яко ризою, простершаго небо яко кожу, покрывающаго водами превыспренняя Своя, основающаго землю на утверждении ея, не преклонится во век века: призывающаго воду морскую, и проливающаго ю на лице всея земли. Изыди и отступи от иже ко святому Просвещению готовящагося. Запрещаю тебе спасительным страданием Господа нашего Иисуса Христа, и честным Его Телом и Кровию, и пришествием Его страшным: приидет бо и не закоснит судяй всей земли, и тебе и споспешную твою силу умучит в геенне огненней, предавый во тьму кромешную, идеже червь неусыпаемый и огнь неугасаемый.

Священник: Яко держава Христа Бога нашего, со Отцем, и Святым Духом, ныне и присно, и во веки веков.

Крещаемый: Аминь

Священник: Господу помолимся

Крещаемый: Господи помилуй

Священник: Господи Саваоф, Боже Израилев, исцеляяй всякий недуг, и всякую язю, призри на раба Твоего [или на рабу Твою], взыщи, испытуй и отжени от него вся действа диаволя, запрети нечистым духом, и изжени я, и очисти дела руку Твоею, и острое Твое употребивый действо, сокруши сатану под нозе его вскоре, и даждь ему победы на него и на нечистыя его духи: яко да от Тебе милость получив, сподобится безсмертных и небесных Твоих Таин, и славу Тебе возслет, Отцу, и Сыну, и Святому Духу, ныне и присно, и во веки веков, аминь.

Священник: Господу помолимся

Крещаемый: Господи помилуй

Священник: Сый, Владыко Господи, сотворивый человека по образу Твоему и по подобию, и давый ему власть жизни вечныя, таже отпадша грехом не презревый, но устроивый вочеловечением Христа Твоего спасение міра: Сам и создание Твое сие избавль от работы вражия, приими в Царство Твое Пренебесное. Отверзи его [или ея] очи мысленныя, во еже озаряти в нем просвещению Евангелия Твоего. Сопрязи животу его Ангела светла, избавляюща его от всякаго навета сопротиволежащаго, от сретения лукаваго, от демона полуденнаго, и от мечтаний лукавых.

Священник: Изжени из него [или из нея] всякаго лукаваго и нечистаго духа, сокрытаго и гнездящагося в сердце его.

И глаголет сие трижды.

Священник: Духа прелести, духа лукавства, духа идолослужения и всякаго лихоимства: духа лжи и всякия нечистоты, действуемыя по научению диаволю. И сотвори его овча словесное святаго стада Христа Твоего: уд честен Церкве Твоея, сына и наследника [или дщерь и наследницу] Царствия Твоего: да по заповедем Твоим жительствовав и сохранив печать нерушимую, и соблюд ризу нескверную, получит блаженства святых во Царствии Твоем.

Священник возгласно: Благодатию и щедротами, и человеколюбием Единороднаго Сына Твоего, с нимже благословен еси с Пресвятым, и Благим, и Животворящим Твоим Духом, ныне и присно, и во веки веков.