Декрет «Об особенностях совершения Таинства крещения в условиях гонения на христиан и других чрезвычайных обстоятельствах» и Чин крещения, совершаемый удалённо при угрозе смерти
Освящение воды и крещение
Таже глаголет молитву сию велегласно:
Священник: Велий еси, Господи, и чудна дела Твоя, и ни едино же слово довольно будет к пению чудес Твоих. [Трижды.]
Ты бо, хотением от не сущих во еже быти приведый всяческая, Твоею державою содержиши тварь, и Твоим промыслом строиши мір: Ты от четырех стихий тварь сочинивый, четырми времены круг лета венчал еси. Тебе трепещут умныя вся силы, Тебе поет солнце, Тебе славит луна, Тебе присутствуют звезды, Тебе слушает свет, Тебе трепещут бездны, Тебе работают источницы. Ты простерл еси небо, яко кожу, Ты утвердил еси землю на водах, Ты оградил еси море песком, Ты ко отдыханием воздух пролиял еси. Ангельския силы Тебе служат, Архангельстии лицы Тебе кланяются, многоочитии Херувими и шестокрилатии Серафими, окрест стояще и облетающе, страхом неприступныя славы Твоея покрываются.
Ты бо Бог Сый неописанный, безначальный же и неизглаголанный, пришел еси на землю, зрак раба приим, в подобии человечестем быв, не бо терпел еси, Владыко, милосердия ради милости Твоея, зрети от диавола мучима рода человеча, но пришел еси и спасл еси нас. Исповедуем благодать, проповедуем милость, не таим благодеяния: естества нашего роды свободил еси, девственную освятил еси утробу рождеством Твоим. Вся тварь воспевает Тя явльшагося: Ты бо Бог наш, на земли явился еси, и с человеки пожил еси. Ты Иорданския струи освятил еси, с Небесе низпославый Святаго Твоего Духа, и главы тамо гнездящихся сокрушил еси змиев.
Ты убо, Человеколюбче Царю, прииди и ныне наитием Святаго Твоего Духа, и освяти воду сию. [Трижды.]
И даждь ей благодать избавления, благословение Иорданово, сотвори ю нетления источник, освящения дар, грехов разрешение, недугов исцеление, демонов всегубительство, сопротивным силам неприступную, Ангельския крепости исполнену. Да бежат от нея наветующии созданию Твоему: яко имя Твое, Господи, призвах, дивное и славное, и страшное сопротивным.
Священник читает молитву благословения кадила «Кадило Тебе приносим, Христе Боже наш, в воню благоухания духовного, еже прием в пренебесный мысленный Твой жертвенник, возниспосли нам благодать Пресвятаго Твоего Духа» и кадит престол, иконы, присутствующих.
Иерей осеняет воду (ту, которая стоит перед крещаемым) крестом трижды. То же самое в этот момент делает Крещаемый.
Священник: Да сокрушатся под знамением образа Креста Твоего вся сопротивныя силы. [Трижды.]
Молимся Тебе, Господи, да отступят от нас вся воздушная и неявленная привидения: и да не утаится в воде сей демон темный: ниже да снидет с крещающимся [или со крещающеюся] дух лукавый, помрачение помыслов, и мятеж мысли наводяй: но Ты, Владыко всех, покажи воду сию, воду избавления, воду освящения, очищение плоти и духа, ослабу уз, оставление прегрешений, просвещение душ, баню пакибытия, обновление духа, сыноположения дарование, одеяние нетления, источник жизни. Ты бо рекл еси, Господи: измыйтеся, и чисти будете, отымите лукавства от душ ваших. Ты даровал еси нам свыше паки рождение водою и Духом. Явися, Господи, на воде сей, и даждь претворитися в ней крещаемому во еже отложити убо ветхаго человека, тлеемаго по похотем прелести, облещися же в новаго, обновляемаго по образу создавшаго его: да быв сраслен подобию смерти Твоея крещением, общник и воскресения будет: и сохранив дар Святаго Твоего Духа и возрастив залог благодати, приимет почесть горняго звания, и сопричтется перворожденным написанным на Небеси, в Тебе Бозе и Господе нашем Иисусе Христе.
Яко Тебе подобает слава, держава, честь и поклонение вкупе со безначальным Твоим Отцем, и со Пресвятым, и Благим, и Животворящим Твоим Духом, ныне и присно, и во веки веков.
Крещаемый: Аминь.
Священник: Мир всем.
Крещаемый: И духови твоему.
Диакон: Главы ваша Господеви приклоните.
Крещаемый: Тебе, Господи.
Священник возглашает: Благословен Бог, просвещаяй и освящаяй всякаго человека, грядущаго в мір, ныне и присно, и во веки веков.
Крещаемый: Аминь.
Священник благословляет Крещаемого, осеняя крестным знамением, произнося на каждое осенение:
Священник: Благословляется раб Божий [или раба Божия] имярек, во имя Отца, и Сына, и Святаго Духа, аминь.
Во исцеление души и тела.
В слышание веры.
Руце Твои сотвористе мя и создасте мя.
Во еже ходити ему [или ей] по стопам заповедей твоих.
И зряща на восток, глаголя:
Священник: Крещается раб Божий [или раба Божия] имярек, во имя Отца, аминь. И Сына, аминь. И Святаго Духа, аминь.
На каждом прошении Крещаемый омывает голову водой. Если воды мало, то окунает палец в воду и помазывает им крестообразно на своей голове (на лбу). После Крещаемый одевает на себя нательный крест (если есть) и обтирает голову чистым полотенцем (если есть).