РеквизитыЦентрализованная религиозная организация «Объединение православных общин апостольской традиции»ЦРО «Объединение православных общин апостольской традиции»ОГРН 1047746005636 от 30.04.2004Регистрационное свидетельство
Апостольская Православная ЦерковьОбщины апостольской традиции
RU

Декрет «Об особенностях совершения Таинства крещения в условиях гонения на христиан и других чрезвычайных обстоятельствах» и Чин крещения, совершаемый удалённо при угрозе смерти

Отречение, сочетание Христу и Символ веры

Крещаемый поворачивается на запад.

Священник его спрашивает: Отрицаеши ли ся сатаны, и всех дел его, и всех ангел его, и всего служения его, и всея гордыни его?

Крещаемый: Отрицаюся.

Священник: Отреклся ли еси сатаны?

Крещаемый: Отрекохся.

Таже глаголет священник: И дуни, и плюни на него.

Затем говорит священник: И дунь и плюнь на него!

Крещаемый поворачивается на восток.

Священник его спрашивает: Сочетаваеши ли ся Христу?

Крещаемый: Сочетаваюся.

Таже паки глаголет ему священник: Сочетался ли [или сочеталася ли] еси Христу?

Крещаемый: Сочетахся.

Священник: И веруеши ли Ему?

Крещаемый: Верую Ему, яко Царю и Богу.

И читает Символ Веры:

Крещаемый: Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Священник: Сочетался ли [или сочеталася ли] еси Христу?

Крещаемый: Сочетахся.

Священник: И поклонися Ему.

Крещаемый покланяется, глаголя: Покланяюся Отцу, и Сыну, и Святому Духу, Троице Единосущней и нераздельней.

Таже глаголет священник: Благословен Бог, всем человеком хотяй спастися, и в познание истины приити, ныне и присно, и во веки веков, аминь.

Священник: Господу помолимся.

Крещаемый: Господи помилуй

Священник: Владыко Господи Боже наш, призови раба Твоего, [или рабу Твою] имярек, ко святому Твоему Просвещению, и сподоби его великия сея благодати святаго Твоего Крещения. Отреши его ветхость, и обнови его в живот вечный, и исполни его Святаго Твоего Духа силы, в соединение Христа Твоего, да не ктому чадо тела будет, но чадо Твоего Царствия, благоволением и благодатию Единороднаго Твоего Сына, с Нимже благословен еси со Пресвятым, и Благим, и Животворящим Твоим Духом, ныне и присно, и во веки веков.

Крещаемый: Аминь

Последование святаго крещения

Зажигаются полагающиеся при крещении свечи, а священник, облачённый в белую ризу, епитрахиль и поручи, благословляет кадило.

Священник читает молитву благословения кадила «Кадило Тебе приносим, Христе Боже наш, в воню благоухания духовного, еже прием в пренебесный мысленный Твой жертвенник, возниспосли нам благодать Пресвятаго Твоего Духа» и кадит престол, иконы, присутствующих.

Священник же возгласно: Благословено Царство Отца и Сына, и Святаго Духа, ныне и присно, и во веки веков.

Крещаемый: Аминь.

Диакон же абие глаголет: Миром Господу помолимся.

Крещаемый на каждое прошение: Господи, помилуй.

О свышнем мире и спасении душ наших, Господу помолимся.

О мире всего міра, благостоянии святых Божиих церквей и соединении всех, Господу помолимся.

О святем храме сем и с верою, благоговением и страхом Божиим входящих в онь, Господу помолимся.

О святейших православных патриарсех, о (имя титул местного архиерея) честнем пресвитерстве, во Христе диаконстве и о всем причте и людех, Господу помолимся.

О еже освятитися воде сей, силою и действием, и наитием Святаго Духа, Господу помолимся.

О еже низпослатися ей благодати избавления, благословению Иорданову, Господу помолимся.

О еже приити на воду сию очистительному пресущественныя Троицы действу, Господу помолимся.

О еже просветитися нам просвещением разума и благочестия, наитием Святаго Духа, Господу помолимся.

О еже показатися ей отгнанию всякаго навета видимых и невидимых врагов, Господу помолимся.

О еже достойну быти нетленнаго Царствия в ней крещаемому, [или крещаемей] Господу помолимся.

О еже ныне приходящем ко святому Просвещению, и о спасении его, Господу помолимся.

О еже показатися ему сыну [или ей дщери] света, и наследнику [или наследнице] вечных благ, Господу помолимся.

О еже быти ему сраслену и причастнику [или сраслене и причастнице] смерти и воскресения Христа Бога нашего, Господу помолимся.

О еже сохранити ему одежду Крещения, и обручение Духа нескверно и непорочно, в день страшный Христа Бога нашего, Господу помолимся.

О еже быти ему воде сей банею пакибытия, оставлению грехов и одежди нетления, Господу помолимся.

О еже услышати Господу Богу глас моления нашего, Господу помолимся.

О еже избавитися ему же [или ей же] и нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе, и друг друга, и весь живот наш Христу Богу предадим.

Крещаемый: Тебе, Господи.

И диакону глаголющу сия, священник глаголет в себе молитву сию, тайно:

Священник: Благоутробный и милостивый Боже, истязуяй сердца и утробы, и тайная человеческая ведый един, не бо есть вещь неявленна пред Тобою, но вся нага и обнаженна пред очима Твоима: ведый яже о мне, да не омерзиши мя, ниже лица Твоего отвратиши от мене, но презри моя прегрешения в час сей, презираяй человеков грехи в покаяние, и омый мою скверну телесную и скверну душевную, и всего мя освяти всесовершенною силою Твоею невидимою и десницею духовною, да не свободу иным возвещаяй, и сию подаваяй верою совершенною, Твоего неизреченнаго человеколюбия сам, яко раб греха, неискусен буду. Ни, Владыко, едине благий и человеколюбивый, да не возвращуся смирен, но низпосли мне силу с высоты, и укрепи мя к службе предлежащаго Твоего таинства, великаго и пренебеснаго: и вообрази Христа Твоего в хотящем [или в хотящей] паки родитися, моим окаянством: и назидай его на основании Апостол и пророк Твоих, и да не низложиши, но насади его насаждение истины, во святей Твоей соборней и апостольстей Церкви, и да не восторгнеши: яко да преуспевающу ему во благочестии, славится и тем всесвятое имя Твое, Отца, и Сына, и Святаго Духа, ныне и присно, и во веки веков, аминь.

Подобает ведати, яко не возглашает, но аминь в себе глаголет.